Loksins vit í stöðumælamálum

Ég fagna þessu af öllu hjarta! Ég er einstaklega klár í því að gleyma því að Kermit sé við stöðumæli og enda þá með stöðumælasekt sem ég gleymi svo að borga... Ekki gott. Þetta nýja kerfi hentar mér því agalega vel. Þá get ég bara átt bunka af skafmiðum í bílnum, nú eða keypt bara mánaðarkort í stæðin í bænum. Nice!!

Greitt fyrir bílastæði með skafmiðum og kortum

Ég í stjórnmálum

 Frábært próf sem metur hvar þú stendur í stjórnmálum... 

 

Hérna má sjá nokkra vel valda einstaklinga, setta inní þetta kerfi.

Authoritarian
Left		Right
Libertarian

 

Hérna má svo sjá hvar ég stend... :) 

Miss Piggy á leið til landsins!!!

Jæja, þá er fallegi bleiki gítarinn minn (Miss Piggy) LOKSINS farinn frá Bandaríkjunum eftir að hafa stoppað í Kaliforníu. Það hlýtur að fara styttast í þessa elsku. Ég fékk þá hugdettu um daginn að sauma bara utan um hann gítartösku... ég veit nú ekki alveg hvernig það á eftir að takast, í þau fáu skipti sem ég hef reynt að sauma þá endar það ekki vel.

Annars er það að frétta að ég er á minni þriðju næturvakt í nótt og svo skóli í fyrramálið. Ætti að fara beint á starfsdag kl. 10 - 14:30 en efast um að ég meiki það, verð einhvern tímann að sofa. Fór í dag að fylgjast með lil sys keppa í blaki í Mosó. Fór í vor sem forráðamaður í blakferð norður til Akureyrar. Þegar ég kom inní salinn helltust yfir mig minningar frá þeim tíma, ó þessi hávaði! Stelpur á aldrinum 10-14 ára útum allt og strákar á sama aldri = öskur, pískur, hlátur og tilheyrandi hljóðmengun. Samt agalega fyndið, ég var eflaust ekkert skárri.. huhumm... :)

Nú fer alveg að koma að degi sem mér finnst fáránlega skemmtilegur - Þjóðarspegillinn er n.k. föstudag. Öll mín háskólaár hef ég sótt þessa ráðstefnu um nýjustu rannsóknirnar í íslenska félagsvísindageiranum. Það hefur líka alltaf verið jafn erfitt að velja hvaða fyrirlestra ég ætla að sækja því stundum eru nokkrir á sama tíma. Toppurinn er svo auðvitað að fjárfesta í doðrantinum með öllum rannsóknunum - namminamm! Sómar sér vel í hillu og endalaust hægt að fletta í þessu og nýta sem heimildir. Eftir að hafa skoðað smá dagskránna í ár stendur þetta hæst:

• kl. 9:00 - 11:00: verð að öllum líkindum í skólanum eða í kynnisferð á BUGL
• kl. 11:00 - 13:00: Jón Gunnar Bernburg - Spurningalistakannanir og smættun félagslegra fyrirbæra. Glætan að ég missi af honum, aldrei. Svo er það auðvitað félagsráðgjöfin, maður verður nú að láta sjá sig þar.. Freydís Freysteinsdóttir - Barnarverndartilkynningar er varða ofbeldi milli foreldra, Sigrún Júlíusdóttir - Fjölskyldubreytingar, lífsgildi og viðhorf ungs fólks,
  Steinunn Hrafnsdóttir - Af hverju vinnur fólk sjálfboðastörf?, Guðný Björk Eydal (annar BA-leiðbeinandinn minn og Dagnýjar) - Feður  og fjölskyldustefna og Sigurveig H. Sigurðardóttir - Viðhorf til aldraðra. Langar líka svakalega að sjá Stefán Ólafsson - Skattar og tekjuskipting á Íslandi og Harpa Njáls - Velferðarstefna - Markmið og leiðir til farsældar, en það er akkúrat á sama tíma.. :/
  
• kl. 13:00 - 15:00: Fötlunarfræðin heillar hérna, Snæfríður Þóra Egilsson - Þátttaka í ljósi kennisetninga um heilbrigði og fötlun, Hanna Björg Sigurjónsdóttir - Valdaeflandi samskipti fagfólks og seinfærra foreldra: Hvað hjálpar og hvað hindrar?, Kristín Björnsdóttir - Öll í sama liði og Rannveig Traustadóttir - Fatlaðir háskólastúdentar. Reyndar er ein málstofa í sálfræðinni sem ég væri alveg til í, Elín Díanna Gunnarsdóttir - Sjálfsvirðing og líðan unglinga.
• kl. 15:00 - 17:00: Stjórnmálafræðin er mér enn í fersku minni, þökk sé Meistara Gunnari Helga. Mig langar að sjá: Guðmundur Heiðar Frímannsson - Íbúalýðræði og Gunnar Helgi Kristinsson - Ráðherraáhætta. Einnig er hinn BA-leiðbeinandi minn og Dagnýjar með mjög svo áhugaverða málstofu: Helgi Gunnlaugsson - Afbrotafræði íslenskra glæpasagna.

Eins og sjá má verður stíf dagskrá og varla tími fyrir pissupásu... vonandi verður svo ekkert plan um helgina. Þá verður sko brunað heim í Ólafsvík, mig sárvantar að komast þangað og hlaða batteríin. Borgin er ekki minn tebolli, það verður bara ekki af því skafið.

Þjóðarmorð í Rúanda

Váts hvað mig langar á þennan fyrirlestur! Vá vá vá!

Eftirlifandi útrýmingarherferðar Hútúa ræðir reynslu sína

Mismæli í lögum

Ég er orðin það fullorðin að ég er farin að hlusta á Reykjavík síðdegis á leiðinni heim seinnipart dags og finnst einstaklega gaman að hlusta á fréttirnar á Rás 2. Á þessum stöðvum er mikið um íslensk lög í spilun og meðal annars nýtt lag frá tvífara mínum Elleni Kristjáns. Ég veit nú ekki hvað lagið heitir en ég syng hástöfum með og hef sungið, þar til í morgun: þú er mér opin bók að norðan. Í morgun heyrði ég rétta textann: þú er mér opin bók án orða. Meikar sens... 

Rösquiz á Stúdentakjallaranum í kvöld kl. 20. Við Tinna sjáum um kvissið að þessu sinni og þemað er KYNTRÖLL. Mæli með að fólk mæti. 

Bónus-ruglumsull

Ég er komin með sambýlismann sem er feitari en ég og jafnvel bleikari. Sá er ekki samkynhneigður né Íri, heldur er folinn hingað nýkominn frá Danmörku og mun ganga undir nafninu Feiti Strákur. Hann unir sér vel í íbúðinni sinni, en einsamall kom hann eigi heldur fylgdi barnið hans með sem ég hef ákveðið að kalla því fagra nafni Pulla. Góðmennt í Kópavoginum get ég sagt ykkur.

 

 

Ég, bláfátæki stúdentinn, ákvað í dag að nýta mér afsláttinn í Bónus Smáratorgi. 30% afsláttur af ÖLLUM vörum vegna breytinga. Var nú ansi hófsöm í þessum innkaupum og bara með litla handkörfu. Slatti epli, slatti lífræn AB-mjólk, kjúklingabaunir, bankabygg og bananar. Rúmlega helmingur vörunúmera var uppurinn í búðinni, fólkið með glampa í augum og munaðarlausar innkaupakörfur um alla verslun með miðum sem á stóð: ég var yfirgefin, vinsamlegast verslaðu úr mér! Kom mér vel fyrir í röð sem leit ágætlega út í fyrstu en svo sá ég heilu vagnana troðna fyrir framan mig. Eldri, mjög eldri kona fyrir framan mig vildi endilega að ég geymdi handkörfuna mína í stóru körfunni sinni, enda var hún með ca 15 hluti í henni. Eftir ca 10 mínútur í bið þar sem röðin haggaðist EKKERT fórum við að spjalla. Íslendingar spjalla ekki við náungann í búðinni, það er bara svoleiðis. En þetta voru náttúrulega spes aðstæður þar sem við vorum í rauninni föst í þessari röð í laaaaangan tíma í viðbót. Gerðum grín að þessu og höfðum gaman. Gamall maður var fyrir aftan okkur með 3 ljósaperur. Ég endaði á því, þegar konan með 4 vagnana hafði borgað 69.864 fyrir sitt dót (sem var m.a. 26 pakkar af kexi, heill kassi af tannkremi, kassi af kakómalti, 3 kippur Kók light....) fór ég fremst og spurði hvort ég mætti troða 3 ljósaperum fram fyrir. Konan sem ég spurði (sem by the way var með fuhuhuhuuullan vagn) var nú ekki á því en ég þrábað hana og hún féll fyrir mér, auðvitað. Maðurinn endaði á því að þakka mér fyrir samveruna, enda höfðum við deild um klukkustund saman í röðinni. Nú ég og ömmubarn konunnar fyrir framan mig sáum á tímabili um það að rétta fólki gosflöskur, enda komst það ekki að fyrir vögnunum. Við buðum líka ýmsan varning með gosinu, s.s. barnamat í dós, ABT-mjólk, svört dömubindi, kubbakerti, hamra og hvaðeina sem skilið var eftir í hillunum. Á meðan á biðinni stóð gengu slúðurblöð um röðina til þess að stytta okkur stundir og boðið var uppá vínber og piparkökur. Helvíti hressandi alveg. Nú eftir klukkutíma og fjörutíu mínútur var loks komið að mér. Ég hrósaði unga drengnum á kassanum svo hrikalega að hann varð eins og Feiti Strákur á litinn og sagðist eflaust dreyma pííp-hljóð og gula bónuspoka í alla nótt. Blessunin. En þetta var ferð til fjár, fullur poki af góðgæti á 1200 kjedl. Ekki neitt. 

Jól í skókassa

Ég fíla þetta framtak... ætla að útbúa skókassa og gefa. Frábær hugmynd.

Annars er það títt að ég er í heimaprófi og ég hef sjaldan haft eins sterka löngun til þess að baka, þrífa eða þvo þvott. Lét mér nægja að útbúa hafragraut í öbbanum áðan. 

Fátækum börnum færðar gjafir í skókössum

Meiri péning í háskólana, takk!

Ég fíla stjórnmálamenn sem geta horft á staðreyndir. Lesið endilega þennan pistil í dag.

Þar segir m.a.:

Stúdentar við Háskóla Íslands standa nú fyrir svokölluðum meðmælum með menntun sem m.a. felast í því að koma háskólamenntun á stefnuskrár flokkanna fyrir komandi kosningar. Þetta er gott og þarft framtak.

En ástæða er til að benda á að ríkisstjórnin hefur haft undanfarin 11 ár til að koma fram með metnaðarfyllri áform í menntamálum. Árangur ríkisstjórnarinnar hefur ekki verið sem skyldi sérstaklega varðandi háskólana og ekki er unnt að halda því fram að menntamál hafi verið í forgangi hjá ríkisstjórninni.

Heyr heyr! 

Tímabundið blogg

Á meðan ég hnoða í góða færslu og reyni að skapa tíma til þess, mæli ég með því að þið lesið eftirfarandi greinar á hinu nýja og stórkostlega Vefriti.

Grein um þriðja geirann eftir Grétar, I. hluti og svo II. hluti.

Enjoy!

Ég mæli með...

Meðmælunum 12. október næstkomandi!

Þá munu stúdentar og aðrir flykkjast á Austurvöll til þess að mæla með aukinni háskólamenntun fyrir þjóðfélagið og þannig sýna fram á mikilvægi þess að reka öflugan þjóðarháskóla sem er opinn fyrir alla þá sem til hans sækja.

Mæting við Aðalbyggingu kl. 15:00 eða á Austurvelli hálftíma síðar.

Vei vei vei vei vei! :)