Missti ég af þessu?

Lengi vel ætlaði ég mér sko að eignast spænskan kall. Ekki nóg með að menning Spánverja sé afar heillandi heldur eru þeir margir hverjir einstaklega myndarlegir að mínu mati. Þeir eru líka hressandi dansarar og geta hreyft sig fimlega við stórkostlega tónlist sem landar þeirra semja. Þegar ég fór í skóla á Spáni man ég eftir því að hafa sagt móður minni að þegar heim kæmi myndi ég hafa einn latinópeyja undir arminum. Ekki fór eins og ég spáði fyrir þrátt fyrir ágætan markað þarna í Puerto de la Cruz. Því spyr ég, hvers vegna var mér ekki boðið í þessa heimsókn spænskra piparsveina? Ég hefði glöð komið og dansað, drukkið og borðað með spænskum piparsveinum! Annars voru þeir helst til of þroskaðir fyrir mig, af myndskeiðinu að dæma, svo það er kannski bara ágætt að ég hafi ekki skellt mér.

Spænskir karlar í konuleit

Athugasemdir

[Tryptophan, 27.2.2007 kl. 17:03]

Mér þykir nú hálf leiðinlegt að segja þetta þar sem mér finnst mín eigin skoðun hljóma afar fordómafull, en megnið af þeim samskiptum sem ég hef átt við spænska karlmenn, svo ég muni, hafa útskýrt það nokkuð vel að þeir skuli ekki eiga konur.
Fordómar eða bara skoðun byggð á fyrri reynslu?

[Ásdís (IP-tala skráð) 27.2.2007 kl. 21:01]

Spænskir karlar - eða bara latínóar eldast svo illa :) Miklu betra að vera með íslenskan hönk upp á arminn þegar maður fer að þræða fimmtugsafmælin....

[Fanney Dóra Sigurjónsdóttir, 28.2.2007 kl. 15:28]

Tryptophan, það fer náttúrulega eftir því við hve marga spænka karlmenn þú hefur haft samskipti :) Þeir sem ég þekkja eru allir flottir kandídatar í málið.

Skvísa, er það þá pikkupplínan með pulsuna sem virkar? ;)

Guðmundur, nokkuð til í þessu. Í fréttinni var talað um að þetta væri gert til þess að halda fólkinu í bæjunum. Ungt fólk er farið að flytja til stórborganna og kemur ekkert aftur. Kannski var það líka bara meiningin hjá Flugleiðum! haha 

[Magnús Þór Jónsson, 28.2.2007 kl. 18:44]

Helsta atvinnugrein íbúa Hoyocasero er nautgriparækt.

Er það sjávarstúlku úr Ólafsvík samboðið?  Að hokra yfir kýrrössum í upphæðum spænskra háslétta!!!!!  Hreint með ólíkindum að mennirnir séu piparsveinar!!!

USSSSSSS.  Setja markið hærra!

[Fanney Dóra Sigurjónsdóttir, 28.2.2007 kl. 19:02]

Ég rak einmitt augun í þetta Magnús, þá er nú betra að hanga yfir úldnum innyflum í sjávarseltu lágsléttunnar með frosinn vanga og útblásið hár

[Ásdís (IP-tala skráð) 2.3.2007 kl. 18:15]

heyrðu.. pikkupplínan með pylsun virkaði á Akureyri .. en bara svona rétt yfir helgina! Ég held að Reykvíkingar séu of shallow til að skilja þetta :)

[Fanney Dóra Sigurjónsdóttir, 2.3.2007 kl. 18:50]

Hahaha... kannski ég testi hana um helgina ;)