Bloggfærslur mánaðarins, nóvember 2006

Vúúúúúúbbbbbííííí!

happynessÞá er ég búin með mitt SÍÐASTA, ég endurtek SÍÐASTA próf í Háskóla Íslands - í bili að minnsta kosti. Þetta heimapróf var erfitt og tók sinn tíma. Ég kláraði það þó og er ekkert svo svakalega ósátt. Ji, en samt þægilegt að þurfa ekki að fara í fleiri próf.. þetta kallar maður frelsi! :D

Svefninn kallar... svo skróp í skólanum á morgun og námskeið hjá UFE (Ungt fólk í Evrópu), úberspennó líf...

 Námskeiðið:

Landsskrifstofa UFE stendur fyrir námskeiði um hugtökin borgaravitund,
lýðræði og virka þátttöku ungs fólks,  30.nóvember milli kl:9:00 og 15:00.



Stutt lýsing á námskeiðinu:

Borgaravitund, lýðræði og virk þátttaka eru hugtök sem æ oftar sjást í umræðu um vinnu með ungu fólki. Í nýrri styrkjaáætlun Evrópusambandsins fyrir ungt fólk í Evrópu sem ber nafnið “Youth in action”er þessum þáttum gert hátt undir höfði. Fimmtudaginn 30.nóvember stendur Landsskrifstofa UFE á Íslandi fyrir námskeiði fyrir leiðbeinendur í æskulýðsstarfi. Á námskeiðinu verður fjallað um hugtök eins og borgaravitund, lýðræði og virka þátttöku og hvernig hægt er að virkja þessa þætti í starfi með ungu fólki. Hlutverk leiðbeinenda verður jafnframt skoðað út frá þessum hugtökum og  með hvaða hætti þau fléttast inn í vinnuaðferðir leiðbeinenda. Að námskeiði loknu ættu þátttakendur að hafa góðan skilning á lykilhugtökunum og veganesti til að vinna frekar að þeim á vettvangi. 


Hver nagar járnrimla?

Hrikalega er ömurlegt að vera í margra daga heimaprófi. Þetta er eitt það leiðinlegasta sem ég hef gert. Hef engan veginn aga í svona dæmi, vil frekar ljúka þessu bara af. Fáránlegt líka að þurfa geta heimilda í svona prófi. Af hverju má ég ekki skrifa það sem ég kann um efnið? Á maður sem sagt ekkert að læra í áfanganum? Bara fletta upp einhverjum heimildum og blahh... 

Algjörlega pirrípú núna. Og Grámann hamstur er farinn að taka uppá þeim ósið að naga járnrimlana í búrinu sínu. Ekki það að ég skilji hann ekki... en ég keypti handa honum hamstranammi sem er eflaust betra á bragðið en hvít málning og járn.

Suma daga á maður bara ekki að vakna.. bara sofa þar til sá næsti kemur og vona að hann verði betri. 


Kvikmynd um ævi mína

Ohhh.. í "próftíð" er aldrei eins skemmtilegt að gera allskonar vitleysuleiki og próf á netinu... Hérna sjáiði soundtrackið úr kvikmyndinni um hana Fanney Dóru (party shuffle í iTunes og lögum svo raðað eftir röð). Allir útí Skífu að sjoppa eina! :)

Hvernig yrði soundtrackið að mynd sem byggð væri á ævi þinni?

 

Opening credits:
I don´t wanna miss að thing - Aerosmith (þessi setning gæti klárlega verið mottóið mitt)

Waking up:
Undurfagra úkúlelemær - Baggalútur

First day at school:
Allt fyrir mig - Baggalútur

Falling in love:
Ég elska þig enn - Pálmi snillingur Gunnarsson (hahaha, eins gott það kom ekki Baggalútur aftur!)

Fight song:
Í næturhúmi - Margrét Eir

Breaking up:
Ease your mind - Svavar Knútur

Prom:
I still haven´t found what I´m looking for - U2

Life:
Orð - Í svörtum fötum

Mental breakdown:
Vetrarnótt - Bjöggi Halldórs

Driving:
Sexy beast - Toggi

Flashback:
Where the wild roses grow - Nick Cave & The Bad Seeds

Getting back togeather:
Birthday boy - Toggi (awww, uppáhaldið mitt núna, hentugt!)

Wedding:
9 Crimes - Damien Rice (haha, dramalag.com!!)

Birth of a child:
Þá kemur þú - NýDönsk og Sinfó (en ekki hvað?)

Final battle:
Lonely road of faith - Kid Rock

Deathscene:
Apnea - Kasabian

Funeral song:
Circle of life - Elton John

End credits:
All these things that I´ve done - The Killers (viðeigandi, já!)

 

Ég veit ekki með ykkur, en mér finnst þetta ansi fýsilegur gripur að eiga!  

 


Ég er Bridget Jones

Vei, svakalega elska ég Bridget Jones. Hlakka til að sjá nýja mynd um þessa elsku...

Annars bara dauði og drep í heimaprófi...  


mbl.is Zellweger ætlar að leika í þriðju Bridget Jones-myndinni
Tilkynna um óviðeigandi tengingu við frétt

Besta jólakakan?

Grand-Jólakaka

1 bolli vatn
1 bolli sykur
4 stór egg
2 bollar þurrkaðir ávextir
1 teskeið bökunarsódi
1 teskeið salt
1 bolli púðursykur
1 bolli sítrónusafi
1 bolli hnetur
1 FULL flaska af Grand

Smakkið Grandið til að vera viss um að það sé ekki skemmt. Takið stóra skál. Athugið Grandið aftur til að vera alveg viss um að það sé ekki skemmt. Hellið í einn bolla og drekkið. Endurtakið. Kveikið á hrærivélinni, hrærið 1bolla af smjöri í stóra, mjúka skál. Bætið 1 teskeið útí og hrærið aftur.

Athugið hvort Grandið sé nokkuð farið að skemmast, fáið ykkur annan bolla. Slökkvið á hrærivélinni. Brjótið tvær skurnir og bætið í skálina og hendiðút í bollanum af þurrkuðu ávöxtunum. Hrærið á kveikivélinni. Ef þurrkuðuávextirnir festast við hrærararrarna losið þá þá af með rúfskjárni. Bragðiðá Grandinu til að athuga magnið.

Næst, sigtið 2 bolla af salti. Eða einhverju. Hverjum er ekki sama. Athugið Grandið. Sigtið sítrónusafann ogteygið hneturnar. Bætið einu borði. Skeið. Af sykri eða eitthvað. Hvað semþú finnur nálægt. Smyrjið ofninn. Stillið kökuformið á 250°. Gleymið ekki að hræra í stillaranum. Hendið skálinni út um gluggann.Athugið Grandið aftur. Farið að sofa.(Finnst nokkrum hvort sem er ávaxtakökur góðar?).


Félagsráðgjöf meðal fatlaðra í Palestínu

Félagsráðgjöf meðal fatlaðra í Palestínu

Málstofa með Ziad Amro, félagsráðgjafa og forgöngumanni í málefnum blindra og fatlaðra, fyrrum framkvæmdastjóra og formanni Öryrkjabandalags Palestínu, verður í Odda stofu 106 þriðjudaginn 28. nóvember kl. 17.30.

Ziad Amro mun fjalla um starf félagsráðgjafa með fötluðum í Palestínu og starf hans sem formanns Öryrkjabandalagsins þar í landi. Hann er menntaður félagsráðgjafi frá Bandaríkjunum og hefur mikla þekkingu á málefnum fatlaðra.  

Hér er um einstakt tækifæri að ræða til að kynnast starfi félagsráðgjafa við erfiðar kringumstæður. Félagsráðgjafarskor hvetur sem flesta að nýta sér þennan fyrirlestur um félagsráðgjöf og stöðu fötlunarmála í alheimsljósi.

Félagsráðgjafarskor HÍ  
Rannsóknarsetur um barna- og fjölskylduvernd



Komin til landsins

Komin heim eftir ofurhelgi.. það er sko ekkert djók hvað Danir eru skipulagðir og æstir að halda skipulaginu. Endalaus vinna, endalaus gleði.. 

Can´t talk, must sleep...


F


Á leið til Danaveldis..

Jásko... Nú sit ég hérna, dauðþreytt og mygluð, og bíð þess að Kristín nokkur Tómasdóttir komi og pikki mig upp. Konan hans Garðars ætlar einmitt að keyra okkur Ólöfu og Garðar út á flugvöll þó svo að það sé afmælisdagurinn hennar. Þríeykið skal heimsækja Kaupmannahöfn.

Skyndiákvarðanir eru snilld, bara algjör snilld. Tók eina slíka í gær. Við Meistari Ben kíktum á Cultura þar sem Svabbi og Pete voru að spila. Fáránlega gaman!!! Þeir tóku Creep á þann hátt sem ég fæ aldrei heyrt aftur, önnur eins fegurð! Tveir gítarar og harmonikka... aha... bara unaður.

Í anda Fanney Dóru pakkaði ég svo niður þegar ég kom heim í nótt. Skellti buxum á ofninn svo ég hefði eitthvað til þess að klæðast þarna úti, annað væri dónaskapur held ég bara. Finn samt að ég er ekki alveg að nenna að fara til útlanda núna - lúxusvandamál alltaf hreint. En þetta verður alveg fáránlega gaman, það er víst. Er að fara læra Role-play leikinn sem við vorum að hanna þegar ég fór til Osló núna í ágúst. Allt í tengslum við verkefnið All different, all equal. Já, sagði ég ekki? Spennandi niður í tær. Svei mér þá ef ég er ekki bara orðin hrikalega spennt! :)

Góða helgi, ég er farin að kíkja á jólaskreytingarnar í Köben og hitta Íduna mína. Jeij!! 


Eymingja maðurinn

Ef þetta á ekki eftir að verða djók ársins (og næstu ára) hjá blessuðum manninum... Öll þorrablót á næstunni, öll jólaboð, allar afmælisveislur, allir saumaklúbbar, allir karlaklúbbar... allstaðar á setning eftir að hljóma: skaut sig í fótinn... Alveg jafn oft (eða það er nú kannski ýkt) og orðhendingin: tæknileg mistök. Svei mér ef Spaugstofan á ekki eftir að taka þetta upp í þættinum líka. Eymingja maðurinn... eins gott að hann hafi húmor fyrir sjálfum sér, ég segi nú ekki annað.

Annars er ofurtúttan á leið til DK í fyrró (nótt) með ekki lakara föruneyti en HerraGarðari og Ólöfu fríðu... stuð.dk segi ég.

Fékk mína fyrstu einkunn í dag, fyrir fyrsta kúrsinn sem ég tók í september. Hafði gleymt ritgerðarefninu og hvað ég skrifaði í lestrarskýrsluna, langur tími liðinn. Get stolt sagt að ég er sko engan veginn, bara alls ekki óánægð með þessa fyrstu einkunn á lokaárinu mínu. Fór m.a.s. út að borða í hádeginu með henni Dagnýju minni í tilefni þessa. Já og verslaði bara heilmikið í Kringlunni líka.. búin að versla/gera jólagjafir fyrir 9 manns!  Stóðst ekki mátið að versla það sem ég sá í dag fyrir tútturnar heima... stundum detta hlutir bara í fangið á manni sem aðrir VERÐA að eignast :)


mbl.is Skaut sjálfan sig í fótinn með naglabyssu
Tilkynna um óviðeigandi tengingu við frétt

Nóvember gegn nauðgunum!

Kæri viðtakandi,
Vinsamlega áframsendu þessa beiðni til vina þinna, félaga og ættingja um að fjölmenna á kröfufund fyrir framan héraðsdómsstólana á Akureyri, Egilsstöðum, Ísafirði, Reykjavík og Selfossi laugardaginn 25.nóvember n.k. kl. 16.00.

Krafan er:
Þyngri dóma fyrir nauðganir. - Nýtið refsirammann!

Refsirammi laganna kveður á um að dómar fyrir nauðgun séu frá einu ári upp í 16 ára fangelsi. Flestir sakfellingardómar fyrir nauðgun eru við lægri mörk refsirammans. Við viljum sjá réttlátari og sanngjarnari dóma.

Áskorun um slíkt verður afhent allsherjarnefnd Alþingis á þriðjudag.

með kærri kveðju,
Kristín Ingvadóttir
Anna Kristine Magnúsdóttir

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband