Nývöknuð.is

Að fara yfir fréttirnar á mbl.is er eitt af morgunverkunum mínum. Það geri ég áður en ég byrja vinnuna, svona yfirleitt. Í morgun var mér ekki til setunnar boðið þegar ég kom 10 mín snemma í vinnuna og rauk á netið í fréttaleit. Þar sem ég var (og er) tiltölulega nývöknuð, ekki búin að fá minn kaffibolla, las ég þessa frétt líka svona svakalega vitlaust.

Samsung kynnir heimsins þyngsta farsíma

Ég hugsaði með mér, bíddu nú við, er fólk ekki akkúrat að reyna gagnstæðuna? Að hafa farsímana sem léttasta? Las einmitt aðra frétt um pínulitla smásjá og fannst þessi því stinga aðeins í stúf við raunveruleikann. Þegar ég smellti á fréttina og byrjaði að lesa sá ég að þessi sími er víst þunnur, en ekki þungur. Jasko. Spurning í fyrramálið að fá sér kaffibollann ÁÐUR en ég opna mbl.is. Ekki það að þetta sé leiðinlegt, gaman að ruglast í fréttunum. En gæti orðið ansi vandræðanlegt þegar ég fer svo að ausa úr viskuskálum mínum í matsalnum hérna á sjúkrahúsinu.

Samsung kynnir heimsins þynnsta farsíma

Athugasemdir

[Dagný (IP-tala skráð) 14.2.2007 kl. 12:04]

Heheheh þú ert svona eins og ég, ég var einu sinni í ikea og las "handónýt" motta í staðinn fyrir "handhnýtt" motta. Svo í blomavali las ég "hass" planta, en það var eitthvað annað, man bara ekki alveg hvað það var.. :)

[Fanney Dóra Sigurjónsdóttir, 14.2.2007 kl. 12:42]

Hahahaha... þú ert náttla einstök kaloría!

[Björn Benedikt Guðnason, 14.2.2007 kl. 13:31]

hahaha..... það væri samt snilld ef heimsins þyngsti farsími kæmi á markað :P

Sloganið gæti verið "work out as you talk!" (as seen on TV!)

[Fanney Dóra Sigurjónsdóttir, 14.2.2007 kl. 14:13]

Þá þyrfti maður kannski tvo.. einn í hvora hendi svo maður yrði ekki helmassaður í vinstri en wimp í hægri

[Guðfinnur Sveinsson, 14.2.2007 kl. 15:53]

Mikið rétt... setja hluti í rétta forgangsröð! fyrst kaffibolli, svo fréttalestur