Gleði, gleði, gleði

Ég gæti skrifað heillanga færslu um hvað það var gaman hjá mér á föstudaginn þegar nokkrir velvaldir vinir komu í heimsókn og við borðuðum saman grillaðan lax. Ég gæti líka skrifað heljarinnar færslu um mömmu mína sem er svo ótrúlega klár og dugleg og var að klára námið sitt í Háskóla Íslands. Ég gæti líka skrifað um hvað laugardagurinn var frábær, þegar ég fór í sund með MögguStínu og Sunnu Mekkín og svo á Jónsmessuhátíð í Kjarnaskógi um kvöldið. Svo gæti ég haglega skrifað pistil um 10 tíma rúntinn okkar Valdísar á sunnudaginn þegar við keyrðum allan Tröllskagann, fengum guided tour um Hofsóssvæðið frá frænda hennar, lentum í grillveislu og messu í pínulítilli kirkju sem tekur bara 16 manns í sæti og boðið var uppá heimabakað bakkelsi á kirkjuveggnum að athöfn lokinni. Svo gæti ég líka skrifað hvað ég er svaðalega þreytt í ÖLLUM líkamanum eftir ræktina, það virkar greinilega að hafa svona einkaþjálfara baulandi yfir manni. 

En ég ætla ekki að skrifa um neitt af þessu því mér er farið að verða illt í höndunum. Leyfi ykkur frekar að tísta að þessu myndbandi.

 

 

Svo er hann Höskuldur minn að koma pá besög á sunnudaginn. Vei, vei vei! 

Athugasemdir

[Þóra Marteins (IP-tala skráð) 26.6.2007 kl. 00:25]

hvað kostar svona einkaþjálfaragaur/gella? Fer greinilega ekki í ræktina nema einhver öskri á mig :(