Ánægði flóðhesturinn

Ahhh... fátt betra en að skríða heim seint um síðdegið og narta í eins og einn Happy Hippo. Sem betur fer fæst sá ánægði ekki hérlendis því þá væri annað en nammið eins og flóðhestur í laginu. Ég luma þó á nokkrum sem ég smyglaði til landsins frá Parma. Fjársjóðurinn minn, leynihornið, varabirgðirnar, eðall.

Annars má ég til með að óska öllum félagsráðgjöfum og félagsráðgjafarnemum til hamingju með daginn í dag. Í dag er nefnilega Alþjóðlegi félagsráðgjafardagurinn haldinn hátíðlegur um heim allan. Af þessu tilefni hélt norðandeild SÍF (Stéttafélag íslenskra félagsráðgjafa - sem nú heitir reyndar Félagsráðgjafafélag Íslands) fund fyrir þá félagsráðgjafa sem starfa á Norðurlandi. Þar sem málstofan mín með fjarfundarbúnaðinum glæsilega féll niður var ég svo heppin að komast á fundinn. Var þar margt um manninn enda félagsráðgjafar hérna á þessum fjórðungi einstaklega fróðleiksfús stétt. Eftir ansi fjörugar og skemmtilegar umræður, m.a. um hið nýja nafn félagsins, steig starfsþjálfunarkennarinn minn í pontu og kynnti MSW-rannsókn sína sem hún gerði á félagsráðgjöfinni við almennar legudeildir FSA. Ég er svo heppin að hafa fengið að lesa rannsóknina strax í janúar þegar ég kom, en góð vísa er sjaldan of oft kveðin. Eftir áhugaverðan fund var svo skundað á Strikið og snætt ljúfan löns. 

Ég hef svosem lítið annað markvert að tjá mig um. Ekkert nema lærdómur í gangi þegar vinnu lýkur. Í kvöld ætla ég þó að líta inn til Síra Óskars og hans ektakvinnu Unu og annað kvöld er ég bókuð á bingókvöld í MA með Völlunni minni. Það skulu því hendur standa fram úr ermum þess á milli, enda styttist ansi mikið í lokaskil BA-ritgerðar.

Jú, svo er það í fréttum að ég er búin að sækja um vinnu á Akureyri í sumar. Upp með ferðatöskuna, þið kíkið við! 

 

 

Athugasemdir

[Anna Pála Sverrisdóttir, 27.3.2007 kl. 17:57]

Akureyri í sumar verður klárlega meira aðlaðandi við þessar fréttir!

[Fanney Dóra Sigurjónsdóttir, 27.3.2007 kl. 18:17]

Takk lovlí.. tek fagnandi á móti þér (og Bjarninu) í sumar... :)

[Kolla, 27.3.2007 kl. 19:19]

Innlitunarkvitt :)

[valla (IP-tala skráð) 27.3.2007 kl. 20:33]

heyrðu var ég búin að segja þér að ég veit um íbúð til leigu í innbænum í sumar?

[þórey (IP-tala skráð) 27.3.2007 kl. 21:02]

Bara kvitta fyrir mig

[Fanney Dóra Sigurjónsdóttir, 28.3.2007 kl. 01:14]

Valla, DO tell me more!

Takk görlís fyrir kvitteríið :) 

[Björn Benedikt Guðnason, 28.3.2007 kl. 08:42]

Maður verður að reyna að kikka á þig einhverntíma í sumar 

Glæsilegtað heyra með umsóknina  hvar ertu búin að sækja um vinnu?

[Þóra Marteins (IP-tala skráð) 28.3.2007 kl. 09:03]

nýtt blogg hefur verið stofnað. tonskald.wordpress.com (var ekkert að skilja moggabloggið :-( ). Hvaða vinnu varstu að sækja um?

[Fanney Dóra Sigurjónsdóttir, 28.3.2007 kl. 10:12]

Forvitin skita, fær ekki að vita

Svara ekki svona á veraldarvefnum.... þekkiði símbúnað?

[Dagný frænka (IP-tala skráð) 28.3.2007 kl. 13:24]

Hæ hæ frækna frænka, hvernig væri nú að hittast svona planað, svona til tilbreytingar frá því að hittast á röltinu í kringlunni eins og við gerðum reglulega fyrir nokkrum árum.

Verð á eyrinni þinni í næstu viku og væri gaman að skellast á kaffihús eða eitthvað og spjalla... Hvað segiru, verðuru mikið bissí???  

[Fanney Dóra Sigurjónsdóttir, 28.3.2007 kl. 14:06]

Endilega frænka! Sendu mér línu og segðu mér nánar hvenær þú ert í fegurðinni... [e-mail]