Lárperur og ljúfmeti

Ég fór að versla áðan í Bónus í Smáranum. Það er kannski ekki frásögum færandi nema fyrir það að ég verð eiginlega að lýsa ánægju minni yfir því hversu gott úrvalið af ávöxtum og grænmeti var þar. Yfirleitt versla ég allt í Bónus, en get ekki hugsað mér að kaupa margt af ávöxtunum eða grænmetinu sem er þar í boði og skunda því í Hagkaup í slíkan leiðangur. En í dag var sagan önnur. Ég gat meira að segja fengið fínar lárperur á góðu verði, 215 kr. kg. Þær eiga reyndar kannski 2 daga eftir í að verða djúsíspúsí, en það kemur. Verlsaði mér líka ferskan ananas, enda er próftíð og þá er ferskur ananas mjög heitur réttur hjá kellingunni.

Ég verð líka að mæla með einu við ykkur, en það er nýtt brauð sem komið er í verslanir. Þetta brauð er spelt rúgbrauð með viðbættu kalki frá Gæðabakstri. Eitt besta brauð sem ég hef smakkað lengi, enda er það alltaf til hjá mér núna. Mæli sérstaklega með rauðu pestói, reyktri skinku, kotasælu og nýmöluðum svörtum pipar sem áleggi... namm nammm :)

Athugasemdir

[Anna Pála Sverrisdóttir, 3.5.2006 kl. 17:43]

Oh Fanney þú ert svo djúsí

[Magnús Már Guðmundsson, 3.5.2006 kl. 19:27]

Fanney er þokkalega djúsí.

Hvenær kláriði prófin ungu konur og hvunær getum við farið að detta í það saman?

[Fanney Dóra Sigurjónsdóttir, 3.5.2006 kl. 20:10]

Ég er alveg ótrúlega djúsí..

Ég er búin á sama tíma og Meistari Agnar, þ.e. 13. maí :)

Svo styttist ískyggilega í Júróvísjón... Erum við ekki geim í það?

[Anna Pála Sverrisdóttir, 4.5.2006 kl. 00:01]

Oj ykkur. Ég verð í geðveikinni til fimmtánda. Þá hef ég eitt kvöld til að hrynja í það og fer svo þunn/full? í flugvélina morguninn eftir. Svo þegar ég kem heim verða bara þrír dagar í kosningar! Gúpp. Dettum í það saman þá. En ég horfi á Júró með Flamengóunum Völu og Grétari í Lundi, veivei.