Á leið til Danaveldis..

Jásko... Nú sit ég hérna, dauðþreytt og mygluð, og bíð þess að Kristín nokkur Tómasdóttir komi og pikki mig upp. Konan hans Garðars ætlar einmitt að keyra okkur Ólöfu og Garðar út á flugvöll þó svo að það sé afmælisdagurinn hennar. Þríeykið skal heimsækja Kaupmannahöfn.

Skyndiákvarðanir eru snilld, bara algjör snilld. Tók eina slíka í gær. Við Meistari Ben kíktum á Cultura þar sem Svabbi og Pete voru að spila. Fáránlega gaman!!! Þeir tóku Creep á þann hátt sem ég fæ aldrei heyrt aftur, önnur eins fegurð! Tveir gítarar og harmonikka... aha... bara unaður.

Í anda Fanney Dóru pakkaði ég svo niður þegar ég kom heim í nótt. Skellti buxum á ofninn svo ég hefði eitthvað til þess að klæðast þarna úti, annað væri dónaskapur held ég bara. Finn samt að ég er ekki alveg að nenna að fara til útlanda núna - lúxusvandamál alltaf hreint. En þetta verður alveg fáránlega gaman, það er víst. Er að fara læra Role-play leikinn sem við vorum að hanna þegar ég fór til Osló núna í ágúst. Allt í tengslum við verkefnið All different, all equal. Já, sagði ég ekki? Spennandi niður í tær. Svei mér þá ef ég er ekki bara orðin hrikalega spennt! :)

Góða helgi, ég er farin að kíkja á jólaskreytingarnar í Köben og hitta Íduna mína. Jeij!! 

Athugasemdir

[Bragi Einarsson, 24.11.2006 kl. 08:42]

góða skemmtun í Danaveldi

[Sveinn Arnarsson, 24.11.2006 kl. 14:10]

Ef þú ert eitthvað fyrir live Djazz, þa er hvíta lambið snilldarstaður, mæli eindregið með honum. En drekktu einn bjór fyrir UJA úti!!!!!

[Pálína Erna Ásgeirsdóttir, 26.11.2006 kl. 19:32]

Creep ......ég fæ gæsahúð bara af þ´vi að lesa þetta. Skemmtu þér vel!!! Ég mun hugsa til þín þegar ég sé og hlusta á STORM á tónleikunum í Laugardagshöll næsta fimmtudag. Því gellan ég ætla sko á tónleika!!!