Bleikir skíðaskór?

Þegar ég kom uppí fjall í dag tók ég eftir að hællinn á skónum mínum var pínulítið brotinn. Bömmer! En þetta eru reyndar ævafornir skór sem ég fékk í jólagjöf frá foreldrunum hér um árið. Skv. alræmdum skíðafrömuði er líftíminn liðinn og þá fer hugurinn af stað. Ætli ég gæti fengið mér bleika skíðaskó? Þá kemur vinkona mín hún Google til sögunnar - líkt og endranær. Leitin skilaði mér slatta af barnaskóm uppí nr 21, ekki gott. EN - ég fékk jafnframt þessa mynd hérna. Ég veit ekki alveg hvernig ég kæmist heil frá ef ég mætti uppí Stromp með þessa skó á fótunum! 

Ekki nóg með það, heldur fann ég líka þennan dýrindis skeinispappír! Og í hvaða öðrum lit en einmitt bleikum? Ja, ég veit ekki um neinn sem vildi ekki nýta þennan gæðapappír á náðhúsinu. Það má reyndar nota þennan skeinispappír í ýmislegt annað, s.s. eitthvað fimleikadót. En það er klárlega ekki eins spennó og hitt.

En enga fann ég bleika skíðaskóna... Ég verð þó að kíkja uppí Skíðaþjónustu í vikunni og tékka hvort það leynast ekki gæðaskór á góðu verði fyrir drottningu eins og mig. 

Athugasemdir

[Sveinn Sævar Frímannsson, 13.2.2007 kl. 00:40]

það er sem ég segi ef að Viddi í skíðaþjónustunni á ekki bleika klossa handa Fanneyju sinni þá þykir mér bleik brugðið

[Valdís Anna Jónsdóttir, 13.2.2007 kl. 10:05]

Tu ert klarlega snillingur!! Mikid vildi eg samt sja tig uppi i strytu med tessa sko a fotunum!!!:)

[Björn Benedikt Guðnason, 13.2.2007 kl. 10:16]

hehehe. Hressandi, afar hressandi.

Það hljóta samt að vera til bleikir skíðaskór í þinni stærð. Búin að prufa Ebay?

[Fanney Dóra Sigurjónsdóttir, 13.2.2007 kl. 11:38]

Mér datt í hug að tékka á e-bay eða þesskonar dæmi... en ætli það sé ekki svo svaðalega dýrt að fá skóna hingað? Þetta er náttla þungt dæmi... og kannski vont að vera ekki búin að máta þá...

[óþekkur (IP-tala skráð) 13.2.2007 kl. 12:39]

Mér finns nú samt best að skeinarinn bleiki er gegnsær...  Ekki mikil gæði þar á ferð greinilega.  Pappírinn sennilega látið undan í bleikingunni.  ég er ekki viss um að þetta haldi mikklu svona, í einhverjum átökum.

[Dagný (IP-tala skráð) 13.2.2007 kl. 21:57]

ég skal sko kaupa þessa bleiku skó, þeir eru æðislegir!!!!

[Fanney Dóra Sigurjónsdóttir, 13.2.2007 kl. 22:17]

Dagný mín, þú ert vön að taka aaaaaansi mikið af skeini - amk í leikjum þar sem rúllan gengur á milli. Og datt mér ekki í hug að þér líkaði skórnir... gæruhællinn gerir útslagið, ekki satt?