Fegurð að morgni

Það er ekki amalegt að byrja daginn á því að keyra inní Eyjafjörðinn. Myrkrið er ennþá við völd, bikasvartar útlínur fjallanna bera við dökkbláan himinn. Himininn alsettur hvítum stjörnum, hálft skærgult tungl berst við að halda sér uppi.

Klukkustund eftir að ég kom hingað í vinnuna, á Kristnesspítala, er farið að birta af degi. Bikasvörtu fjöllin verða hvít með svörtum yrjum. Himininn lillablár með appelsínubleikum yrjum þar sem sólin reynir að hífa sig upp og ná völdum.

 

Athugasemdir

[Dagný (IP-tala skráð) 8.2.2007 kl. 09:13]

Voðalega er þetta rómantískt hjá þér Fanney mín

 Eigðu góðan dag

Dagný

[Fanney Dóra Sigurjónsdóttir, 8.2.2007 kl. 09:40]

Ég kvóta í laglínu úr lagi sem var eitt árið í undankeppni til júró:

"..stundin, staðurinn.."

[Gísli Frændi (IP-tala skráð) 8.2.2007 kl. 19:36]

Ljóðrænt hjá þér eska ;)