Allt að gerast á Eyrinni

Í tilefni dagsins ætla ég að fara ásamt fríðu föruneyti og gróðursetja plöntur uppí Vilhelmínulundi. 25 plöntur í tilefni þess að 25 ár eru liðin frá því að mikil fjölgun kvenna varð í bæjarstjórn Akureyrarbæjar og fyrsta konan varð forseti bæjarstjórnar. Jeij! Og það er sól og blíða :) Í kvöld ætla ég svo að fara og skoða íbúðina fögru, aka Rettuna, og taka myndir, m.a. af eldhúsinu. Get varla beðið eftir því að flytja inn og hygge mig!

Þið sem eruð hérna fyrir norðan, Sólstöðuganga um Hrísey á fimmtudagskvöldið! Ferjan fer kl. 19:30 frá Árskógssandi og aftur til baka kl. 23:00. Loksins kemst ég í Hrísey - og ekki verra að fá leiðsögn um eyjuna!

Annars er hér sumar og sól, ég er böðuð blómum eftir útskriftina! Frábærlega gaman að hitta alla. Svo þegar hingað norður var komið fékk ég glaðning frá bæði heimaþjónustunni sem og búsetudeildinni allri. Tveir pakkar í viðbót - ekki slæmt ha!

Athugasemdir

[Fanney Dóra Sigurjónsdóttir, 19.6.2007 kl. 23:16]

jámm... splæsti í hatt í tilefni dagsins!

[metta (IP-tala skráð) 20.6.2007 kl. 13:42]

Langar þig ekki brjálæðislega mikið til að senda mér myndirnar af eldhúsinu? Mamma þín var að segja mér að það væri agalega fínt og stórt

[Fanney Dóra Sigurjónsdóttir, 20.6.2007 kl. 14:40]

Jú Metta mín.. sendu mér meil á [e-mail] svo ég hafi netfangið þitt mín kæra :D