Fátækt í allsnægtarsamfélagi?

Fátækt í allsnægtarsamfélagi?

Félagsfræðingafélag Íslands stendur fyrir málþingi um fátækt fimmtudaginn 15. mars 2007 að Grand Hótel.

Dagskrá:

8:00-8:30 Skráning.

8:30-8:45 Snorri Örn Árnason. Fátækt á Íslandi? Snorri kynnir niðurstöður nýrrar könnunar Gallup. Snorri Örn er sérfræðingur á greiningarsviði Capacent Gallup.

8.45-9:05 Harpa Njáls. Fátækt kvenna og barna. Harpa fjallar um hvernig fátækt leiðir til andlegs álags, heilsubrests og óhamingju. Harpa er í doktorsnámi við Félagsvísindadeild HÍ.

9:05-9:25 Guðný Hildur Magnúsdóttir. Karlar í vanda. Guðný fjallar um lagskiptingu í samfélaginu en karlar eru í meirihluta bæði í efsta og neðsta lagi þess. Guðný er félagsráðgjafi á Þjónustumiðstöð Vesturbæjar.

9:25-9:45 Stefán Hrafn Jónsson. Fátæk börn og heilsusamlegir lífshættir. Stefán fjallar um heilsu og heilsusamlega lífshætti barna eftir fjárhagsstöðu fjölskyldu þeirra.  Stefán Hrafn starfar á Lýðheilsustöð.

9:45-10:05  Jón Gunnar Bernburg. Fátækt vanlíðan og frávikshegðun íslenskra unglinga. Jón Gunnar kynnir nýjar niðurstöður úr unglingakönnun sem framkvæmd var árið 2006. Jón Gunnar er lektor við Félagsvísindadeild HÍ.

Fundarstjóri: Guðbjörg Linda Rafnsdóttir dósent við Félagsvísindadeild Háskóla Íslands.

Þátttökugjald er 1.500 kr. Innifalið er morgunverðarhlaðborð.

Vinsamlegast tilkynnið þátttöku í tölvupósti til: [e-mail]

Svakalega langar mig á þetta málþing! Vill einhver fórna sér og fara fyrir mig, taka niður fullt af punktum og láta mig svo fá þá? Ég verð nefnilega á Parma á Ítalíu alla næstu viku :-)

Athugasemdir

[Þóra Marteins (IP-tala skráð) 8.3.2007 kl. 13:20]

ert að fara til Ítalíu? næs....

[Fanney Dóra Sigurjónsdóttir, 8.3.2007 kl. 13:51]

Eru allir í kringum mig komnir með CRAFT-syndrome* eða hvað?

*Can´t remember a f**king thing syndrome

[Sveinn Arnarsson, 8.3.2007 kl. 14:32]

ertu að grínast, ef það er ekki Food and Fun, þá er það Parma með öllum þeim lystisemdum sem indbyggerer búa yfir ;)

djöfuls veldi er á þér!!!

[Fanney Dóra Sigurjónsdóttir, 8.3.2007 kl. 15:32]

Jújú Svenni... maður er alltaf að leika sér *höhömm*

Annars er ég að fara á alþjóðlega félagsráðgjafarráðstefnu í Parma og er það hluti af útskriftarferð okkar sem verðum brátt (eftir ca 2 mánuði) félagsráðgjafar með lögbundin starfsréttindi og allan pakkann  Klárlega verður samt osturinn smakkaður, pylsurnar og hráskinkan, ölið og vínið - svo ég tali ekki um pastað og kássurnar sem sjóða dögum saman! Jöhöhööömmí!