Bláu börnin í Chernobyl

Á síðustu vikum hef ég verið að uppgötva undur og stórmerki á Vísi.is - veftíví. Hef ég horft á allmarga Kompás-þætti, sem by the way eru tær snilld. Núna áðan fannst mér titill eins þáttar vera athyglisverður - Bláu börnin. Ég náði að horfa á allan þáttinn, ýmist með hroll upp allt bakið eða með tárin í augunum. Ég mæli svo eindregið með því að þið gefið ykkur tíma í að horfa á þetta, ef þið hafið ekki gert það núþegar. Þáttinn má finna HÉRNA.

Hugsiði ykkur. Chernobyl er rétt hjá Kiev, höfuðborg Úkraínu. Borgin var yfirgefin árið 1986, þegar slysið varð, en ennþá eru nokkrar sálir sem búa þarna. Enn þann dag í dag eru afleiðingar sprengingarinnar að koma í ljós og munu halda áfram að koma í ljós næstu áratugina. Börn sem fæðast á þessum svæðum eiga sér mörg hver enga framtíð sökum sjúkdóma og þroskahömlunar. Heil kynslóð  nánast strokuð út. Hugsiði ykkur!

Annars má finna upplýsingar um slysið og áhrif geilsunarinnar á heimasíðu Geilsavarna ríkisins.

Athugasemdir

[halkatla, 24.10.2006 kl. 15:50]

ég er sammála þér, hef sjaldan séð jafn áhrifamikið sjónvarpsefni. Þetta er ólýsanleg þjáning. Hef hugsað mikið um tjernobyl síðan ég sá þennan þátt, og þetta var líka hvatning til þess að hætta að rakka Ástþór Magnússon niður, einsog er annars svo vinsælt á Íslandi.

[Fanney Dóra Sigurjónsdóttir, 24.10.2006 kl. 18:24]

Já, einmitt sem ég hugsaði. Ástþór er vissulega athyglisverður einstaklingur, en það verður ekki af honum skafið að þetta var (og er) fallega gert af honum. Þessi kona sem er í írsku samtökunum er líka stórmögnuð, enda verið valin kona ársins þarlendis. Merkilegt nokk, hún bauð sig líka fram sem forsetaefni - líkt og Friður 2000. Hvort hún hafi mætt útötuð tómatsósu veit ég ekki. Kannski er hún meira fyrir chillisósu eins og ég...