Allt að gerast á mínum bæ!

Já, það má segja það. Frábært í skólanum í dag. Ingibjörg og Haraldur frá ÍTR komu og við vorum í hópeflisleikjum í 3 1/2 tíma! Meiriháttar mikið stuð og rosalega skemmtilegir leikir. Slasaðist nú reyndar í einum leiknum, en sem betur fer var það síðasti leikurinn svo ég missti ekki af neinu ;) Er ennþá hölt og með seiðing, en það hlýtur að reddast.

Gaf mér loksins tíma til þess að kíkja aðeins í Smáralindina. Gat eytt pínu pening þar :) Keypti mér prýðisgóða safapressu - eiginlega bara stórfenglega safapressu! Hún er þvílíkt öflug, getur safað allt frá mjúkri melónu uppí hörðustu gulrætur og rófur! Svo er ýkt auðvelt að taka hana í sundur og þrífa hana, en það er aðalatriðið. Fór svo í Bónus og verslaði fullan poka af ávöxtum og grænmeti. Þetta verður nýja "thing-ið" mitt. Gerði áðan safa úr 2 appelsínum, 1/2 sítrónu, 2 gulrótum og 1/4 úr þumli af engiferrót.. jömmí!! Ég setti líka saman nýju ljósakrónuna mína sem ég fjárfesti í um helgina og núna vantar mig bara handy-man/woman til að festa hana upp. Nú svo á ég eftir að setja saman nýja borðið mitt sem ég ætla að hafa við hliðiná lestrarstólnum (Fat-boy - nýji kallinn minn) mínum. Vá hvað það verður fínt hjá mér!

Annars er skólinn á skrilljón, brjálæðislega mikið að gera. Eins og stendur erum við í massívri hópavinnu við að þróa nýtt samfélagslegt úrræði. Held ég geymi aðeins að skýra frá hugmyndinni okkar, en hún er fantagóð :) 

Athugasemdir

[Magnús Már Guðmundsson, 4.10.2006 kl. 17:50]

Af hverju er sett eniferrót í svona sjálfmixaða safa? Hef aldrei áttað mig á því, en þetta er voða oft gert í sjónvarpinu mínu.

[Fanney Dóra Sigurjónsdóttir, 4.10.2006 kl. 18:21]

Fyrir utan það hvað engiferrót er hrikalega skuggalega góð (finnst mér) þá er hún meinhollur andsk.. glætan að maður verði veikur við að snæða mat með lots & lots af hvítlauk og engiferrót... hvað þá að drekka vítamínbombu með engiferrót :p

[Dagbjört Hákonardóttir, 4.10.2006 kl. 19:05]

Ég vona þá að safabókin sé að koma þér að einhverju gagni! :)

[Fanney Dóra Sigurjónsdóttir, 4.10.2006 kl. 19:16]

Klárlega var það inspiration-ið að nýjustu græjunni :) Nú verður sko djúsað!

[harpa (IP-tala skráð) 5.10.2006 kl. 08:09]

hey! mig langar ógó í svona safapressu. keyptir þú þessa í Kokku á 18 þúsund kall eða er hún til einhversstaðar ódýrari? Ef svo er, do tell....og þá verð ég rokin út í búð að kaupa sollis;) Kv. Harpa

[Fanney Dóra Sigurjónsdóttir, 5.10.2006 kl. 09:24]

Keypti í Byggt og Búið í Smáralind... Warrel Thompson týpuna (sem by the way er mjög frægur kokkur) :)