Hrafnagilslaug

Við Signý skelltum okkur í tönun í Hrafnagilslaug í gærdag - eftir að ég fann sundbolinn minn. Þvílík snilld þessi laug. Hef farið nokkrum sinnum í hana í sumar og það er alltaf jafn indælt. Legupottar eru yfirleitt vinsælasti staðurinn í sundlaugum enda fátt betra í sundi en að svamla í vatni og sóla sig. Legupotturinn í Hrafnagilslaug er frábær! Hann er ekki svona grunnur eins og margir þessir ,,diskar" sem eru svo vinsælir í nýju laugunum heldur getur maður bæði setið án þess að drukkna og legið án þess að krókna :) Svo er líka rennibraut með mörgum hringjum - á ennþá eftir að prufukeyra hana. Útsýnið er held ég eitt það fallegasta sem ég hef séð í sundlaug. Þegar legið er í legupottinum horfir maður á fjallgarða Eyjafjarðar, bændur að heyja og ef það er gola má finna bæði lykt af nýslegnu grasi (sem ég elska) og súrheyi (sem ég elska ekki). Ég skora á lesendur mína (sem greinilega eru eins margbreytilegir og fiskarnir í sjónum) að skutlast í Hrafnagilslaug næst þegar leið liggur hingað norður í sæluna.

Athugasemdir

[Vilborg Ólafsdóttir, 11.7.2007 kl. 10:25]

Ég ætla svo sannarlega þangað einhvern daginn. Takk fyrir þessa ítarlegu lýsingu!

[Fanney Dóra Sigurjónsdóttir, 11.7.2007 kl. 14:33]

Ég og Vilborg áttum saman stefnumót í hádeginu þar sem við sátum naktar úti í sólinni hjá Bókval og drukkum lattehhhh...

[Vilborg Ólafsdóttir, 11.7.2007 kl. 14:52]

Það var dásamlegt. Ég er ennþá nakin. 

Annars væri ég meira en til í að kynnast þessari MögguStínu, er þetta ekki stelpan með frunsuna sem allir eru að tala um?

[Fanney Dóra Sigurjónsdóttir, 11.7.2007 kl. 15:42]

Heyrðu já.. er þetta hún?