Verður æ betra að búa í Kópavogi

Ég var að koma úr svaðalegum göngutúr. Flúði troðfullu þvottakörfuna mína og tók i-podinn með. Saman lögðum við upp í leiðangur um Kópavog sem einungis er hægt að sjá fótgangandi. Þetta tengist líka allt rúnt sem ég fór með Þóru vinkonu í fyrrakvöld. Þóran tararna er Kópavogsbúi í alla enda og veit mest um Kópavog af þeim manneskjum sem ég þekki. Ég held að hennar æðsta ósk sé að ég kynnist Kópavogsbúa og muni giftast honum og búa í Kópavogi, helst vesturbænum í Kópavogi. Þetta var nú samt útúrdúr, ég var að tala um Kópavog.

Já, við fórum sem sagt svakalegan rúnt í fyrrakvöld þar sem ég skoðaði leyndar götur og garða, hús sem voru með svalir alveg ofan í sjóinn, "Central Park" Kópavogs, Rútstún (en Rútur var einmitt fyrsti bæjarstjórinn í Kóp. Hann átti þetta tún og gaf bænum það með því skilyrði að það ætti áfram að vera tún, sem það og er enn þann dag í dag. Konan hans hét einmitt Hildur og var líka bæjarstjóri í Kópavogi eftir að kallinn hætti. Segiði svo að ég sé ekki í sumarskóla!) og gamla Kópavogshæli. Einstaklega fræðandi rúntur get ég sagt ykkur.

Fræðslutúrnum var svo haldið áfram í morgun, en þá vorum við bara tvö, ég og Folinn eða i-podinn eins og hann er líka kallaður. Við gengum frá húsinu mínu og í átt að Nauthólsvík. Á leiðinni má sjá aragrúa listaverka, oft tengd skólum bæjarins. Þá má líka skoða Tré ársins 2005 sem er Rússalerki og stendur við göngustíginn. Nú svo má líka njóta þess að anda inn um nefið og finna lyktina af birkinu og hvönnunum sem vaxa eins og vindurinn þarna! Þess má geta að allt er þetta malbikað svo hægt er að fara þessa leið á línuskautum :) Jeij!

Svei mér þá, ef ég er bara ekki alvarlega að íhuga Kópavog sem framtíðarstað...

Athugasemdir

[Þóra Marteins (IP-tala skráð) 25.7.2006 kl. 11:54]

Sko. Konan hans hét Hulda og við keyrðum bara fram hjá Rútstúni en skoðuðum Hlíðargarð :-) Annars stemmir nú þetta allt (líka með að ég vilji að þú giftist inn í Kópavoginn ;-))

KNÚÚÚÚÚÚUSSSSSSSSSS
Þ.

[Fanney Dóra Sigurjónsdóttir, 25.7.2006 kl. 11:57]

Hildur - Hulda ... kommon... náði flest öllu hinu samt! :D Tel það nú bara nokkuð góðan árangur miðað við að ég sé í sumarfríi frá skólanum... veit ekki alveg með þetta að giftast Kópavogsbúa, enn sem komið er hef ég ekki séð heillandi Kópavogsbúa í karlkyni...

[Þóra Marteins (IP-tala skráð) 25.7.2006 kl. 13:35]

Svo lengi sem þú endir í Kópavoginum þá máttu nú alveg giftast hverjum sem er ;-)

[Magnús Már Guðmundsson, 25.7.2006 kl. 14:00]

Kópavogur er alveg ágætur, sérstaklega af því að hann liggur að Breiðholtinu :)

Við þetta má bæta að Finnbogi Rútur var jafnaðar- og vinstristi og ritstýrði m.a. Alþýðublaðinu og sat á þingi fyrir Alþýðubandalagið. Bróðir Hannibals Valdimarssonar pabba hans Nonna Baldvins. Vissi ekki þetta með kerlu hans - að hún hafi verið bæði bæjarstjórafrú og bæjarstjóri.

[Heimir L. Fjeldsted (IP-tala skráð) 25.7.2006 kl. 14:29]

Stryrmir Gunnarsson ritstj. tengdasonur Finnboga Rúts og Huldu bæjarstjóra.

[Pálína Erna Ásgeirsdóttir, 25.7.2006 kl. 15:48]

Þetta er nú aldeilis fróðlegt ;) en farðu nú varlega með volume takkann á folanum þínum ;)

[Fanney Dóra Sigurjónsdóttir, 25.7.2006 kl. 17:30]

Þykir mér nú ansi hressandi að hafa geta kennt sagnfræðingnum eitthvað.. :D Maggi minn, sé ég þig ekki um helgina?

Þóra: skal íhuga málið...

Pálína Erna: var einmitt búin að lesa frétt um þetta svo volume er í lágmarki hjá kellingunni núna ;)