Enginn efi

Kellan komin aftur í borgina eftir viðburðarríka brúðkaupshelgi. Eins og ég hef kannski komið inná áður þá finnst mér þessi tími (þ.e. að keyra á milli) mjög fínn. Ég fæ mjög oft spurninguna: ,,Hvernig nennirðu að keyra þarna á milli svona oft?". Auðvelt svar: þessi tími er milli mín og tónlistarinnar minnar. Hvergi syng ég eins vel sjáiði til... Ég syng hástöfum nánast alla leið (nema þegar ég er ískyggilega nálægt einhverjum bíl sem gæti séð mig vel) og hlusta á allt það sem ég vil. Þannig verður ferðin ein skemmtun - fyrir mig (og eflaust aðra ef þeir myndu heyra til mín!).

Í bílferðinni í gær hlustaði ég á geisladisk sem ég verlsaði mér þegar ég fór til Barcelona með Gísla frænda. Ég hef ekki hlustað á hann í nokkurn tíma þar sem lil sys var með hann í láni. Diskurinn er með No Doubt og er Greatest hits diskur. Snilld.is! Ef ég væri ekki svona sjúklega ánægð með að vera ég þá væri ég sko meira en til í að vera Gwen Stefani, hún er flott tútta. Lögin þeirra eru svo meiriháttar og koma manni í rétta skapið hverju sinni. Ef þið hafið ekki hlustað á slatta með No Doubt þá er sko kominn tími á það, þessi grúbba er vanmetin.

Athugasemdir

[Jórunn Sigurbergsdóttir , 11.7.2006 kl. 10:25]

Láttu bara alla sjá að þú syngur. Það er bara til gleði. Beið einu sinni á ljósum við hliðina á bíl. Hann keyrði stelpa sem söng hástöfum. Glugginn var opinn. Fyrst varð hún skömmustuleg en svo hlógum við báðar.Maður lætur einsog það sé synd að syngja. Syngdu bara.

[Fanney Dóra Sigurjónsdóttir, 11.7.2006 kl. 10:39]

já, góður punktur! Gaman að geta glatt aðra.. kannski ég taki það upp að syngja með opinn glugga svo borgarbúar geti hlegið að/með mér! :)