Hjúkket!

Fattaði það kl. 16:00 að ég átti nánast eftir að pakka öllu, nema skólabókum, niður í töskuna. Sambýlingur minn kvað mig þurfa vera á flugvellinum hálftíma fyrir brottför sem er kl. 16:40 svo ég hentist eins og vindurinn og skutlaði einhverju niður í tösku. Aðeins eitt par af skóm, nokkrar brækur, eitt pils og nokkrar peysur. Restin af plássinu fór í bækur. Kem hingað niður á flugvöll og flugið ekki fyrren 16:55. Hjúkket.

Annars horfi ég hérna út á brautina og þar blasir flugvélin við mér. Hún heldur varla jafnvægi í rokinu sem nú geysar hér. Ég er ansi hrædd um að það verði bömpí ræt hjá mér. Ó jibbý.

Vissuði að kíví og ananas hafa bæði eitthvað efni í sér sem veldur því að matarlím virkar ekki þegar það er sett saman við ávextina? Kannski hef ég eitthvert ofnæmi fyrir þessu efni í ávöxtunum því mig klæjar líka í rifbeinið þegar ég borða ananas. Já, ekki er öll vitleysa eins. Svakalega hlýt ég að vera sérstök. Einhver til í sérstaka leikinn núna? :) 

Athugasemdir

[Björn Benedikt Guðnason, 12.4.2007 kl. 17:25]

1. hvert ertu að fara?
2. Hvað er sérstaki leikurinn?
3. Ertu kannski matarlím?

[Fanney Dóra Sigurjónsdóttir, 12.4.2007 kl. 18:27]

1. Komin til Reykjavíkur og verð fram á mánudag

2. Leikurinn sem við fórum í í staffapartýi heima hjá mér einu sinni og Krúsa sagði okkur frá Indlandshafsævintýri sínu.

3. Svei mér þá!

[Berglind Hólm (IP-tala skráð) 13.4.2007 kl. 21:07]

Humm mig klæjar einmitt alltaf í góminn þegar að ég borða soðna ýsu, en það verður að vera ýsa og hún verður að vera soðin...mjög spes!