Harry Potter

Í kvöld var Harry Potter og Fönixreglan frumsýnd í bíóhúsum. Jei! Algjört möstsí. Rakst á þetta líka sniðuga jútjúb myndband áðan og varð gjörsamlega ær af hlátri. Hljóðið verður klárlega að vera á þar sem þetta er söngur - keðjusöngur :) Enjoy, muggets!

 

The Inappropriate Yoga Guy

Ég, MaggaStína og Valdís erum saman í einkaþjálfun á Bjargi. Við stöllur áttum einn daginn að fara í jógatíma hjá jógafolanum. Málið var að þetta var eitthvað lokað námskeið og einn af lokatímunum svo við vorum enn meiri álfar útúr hól en ella. Eníhú... þessi gaur er ekki eins og jógakennarinn ,,okkar". En fyndinn er hann!

 

 

Og fyrst við erum byrjuð: Tom Facedown er alveg eins og einkaþjálfarinn okkar.

 

 

 

Meira hérna. 

Játning

Jæja, það er kannski bara eins gott að játa það hér fyrir ykkur í stað þess að taka á móti skrilljón símtölum um þetta efni. Ég minntist á það um daginn að ég hefði sótt um vinnu nokkru áður. Ég fékk sem sagt svar í síðustu viku og er svakalega spennt vegna þessa. Hreint ótrúlegt hvernig ég gat legið á þessu í heila 4 daga! En seisei, kélla að þroskast held ég bara.

Eníhú, nýja vinnan mín er ótrúlega spennandi og kannski svolítið öðruvísi en ég hefði reiknað með að byrja í strax eftir nám. En verður maður ekki bara að stökkva út í djúpu laugina og láta slag standa? Og hvar er ég svo að fara vinna? Júmm, ég mun sjá um nýtt úrræði á vegum Akureyrarbæjar fyrir unglinga sem stunda áhættuhegðun! Tadaramm... einmitt það sem mig hefur langað til þess að gera frá því ég hóf nám. Bjóst ekki við þessu, en það er kannski bara skemmtilegra þannig. Jamm.. meira get ég ekki sagt að svo stöddu þar sem þetta er allt svoldið leyndó ennþá.

Og úr einu í annað. Eftir að ég kom hingað norður hef ég gjörsamlega þurft að læra að nota áttirnar. Hérna segir fólk "norðan við x" og "í syðsta húsinu" og þar fram eftir götunum. Það er sem sagt ekki nóg að segja hægra megin eða vinstra megin - þá skilur fólk mig illa. En þetta er nú allt að koma hjá mér, það get ég sagt ykkur. Ég fór þó í gærkvöldi og ákvað að leigja mér vídjóspólu eftir erfiðan dag. Jújú, ekkert svosem um það að segja nema að eins og á mörgum öðrum stöðum fylgir ein gömul hverri nýrri spólu. Sumstaðar eru ákveðnar hillur fyrir þessar spólur en á flestum stöðum eru þetta spólur undir ákveðnu númeri. En á Akureyri? Jú, þá eru allar spólurnar í austurhlutanum sem fylgja með nýrri spólu. Eftir að hafa staðið í smástund og reynt að gera mér í hugarlund hvað væri austur miðað við staðsetninguna þá fór ég til gaursins sem var að vinna og spurðist fyrir. Eflaust eina manneskjan sem veit ekki hvað er austur þegar maður stendur inní Bónusvídjó...  Tók myndina Proof með Gwyneth Paltrow, Jake Gyllenhaal og Anthony Hopkins. Hún var svosem ekkert til að hrópa húrra fyrir, nema fyrir það að Jake Gyllenhaal er afar myndarlegur piltur. Gamla myndin sem ég tók úr austurhlutanum var sálfræðitryllirinn Trauma með Colin Firth í aðalhlutverki. Hef ekkert heyrt um hana en finnst Colin afar myndarlegur maður og svo sjarmerandi miðað við hlutverk hans í Bridget Jones. Klárlega verð ég að láta annað en fegurð karlkynsleikara ráða för þegar ég vel mér bíómyndir því "tryllirinn" í myndinni var Colin, myndin sjálf var crap.

Hlemmur - a must see!!

Ég gerði mér dagamun í kvöld eftir langa vinnuviku. Á leið minni um hið stórkostlega Amtsbókasafn á Akureyri kom ég við í kvikmyndahillunni og skoðaði fýsilegar myndir. Voru þar allnokkrar sem ég gat hugsað mér að verja/eyða tíma mínum í. Þar á meðal Notting Hill (eins og einhverjir kunna að vita þá er ég fíkill á þá mynd), Volver (Pedro Almodóvar er bara klárlega einn mesti snilli tilli sem ég veit um) og svo Hlemmur. Fyrir valinu að þessu sinni var heimildarmyndin Hlemmur eftir Ólaf Sveinsson, sem fékk hina eftirsóttu Eddu árið 2003 sem besta íslenska heimildarmyndin auk þess sem Sigurrós fékk Edduna sama ár fyrir frumsamda tónlist í myndinni. Ekki slæm ræma það.

Allavegana. Myndin byrjaði vel, afar vel. Mjög athyglisverðar persónur kynntar til leiks, flott settings og tónlistin fúnkeraði vel við það sem var að gerast á skjánum. Reyndar fannst mér spurningarnar mjög leiðandi sem notaðar voru, en svörin sem viðmælendur komu með tilbaka voru aftur á móti sönn. Ég fékk það a.m.k. ekki á tilfinninguna að spurningarnar hefður verið stór áhrifavaldur. Að mínu mati er þetta mynd sem flestir ættu að sjá. Eins og Birgir Örn segir í gagnrýni sinni: ,,Sterk og nauðsynleg mynd sem gefur sýn inní hluta þjóðfélagsins sem við reynum að þegja í hel". Ég gleymdi mér algjörlega í lífi þessara aðila sem myndin tók til. Áberandi fannst mér sögurnar af því að enginn þeirra hafði neitt samband að ráði við börnin sín (og barnabörnin) og margir bara alls ekkert - ekki að þeirra undirlagi. Ég finn ennþá sting í hjartanu vegna þessa. Þetta undirstrikar einnig hvað það er ofboðslega mikilvægt að hafa aðstandendur með í dæminu, hvað svo sem er að gerast í lífi fólks. Fjölskyldan er eins og órói sagði Virgina Satir, ef eitthvað kemur fyrir einn þá riðlast allur óróinn. Oft er lítið hugsað um aðstandendurna og hvað þeir eru að fást við. En aftur að myndinni. Einn aðilinn var/er? strætóbílstjóri. Hann virkaði alveg þokkalega vel á mig, búinn að ganga í gegnum margt en einnig búinn að hífa sig upp og ná sér aftur á strik. Ljúfur og rólegur maður sem langaði svolítið til þess að eiga konu til að koma heim til á kvöldin og spjalla við. Hann sagðist vera að íhuga það að fá sér konu frá Asíu, þær væru svo broshýrar og nytu lífsins. Allt gott og blessað með það. En svo kom höggið á hana Fanney Dóru. Stuttu seinna í myndinni sagðist hann ekki treysta ráðamönnum þjóðarinnar og ekki aðhyllast neina pólitíska stefnu hérlendis. Stefnan sem hann aðhyllist er sósíalískur þjóðernisstefna. Já. Maðurinn var alveg með það á hreinu að Nazi ætti eftir að gerast hérna á Íslandi. Það væri alltaf að koma fleira og fleira dökkt fólk hingað til landsins og það þyrfti að gera eitthvað í því. Jámm.. ekki orð um það meir. Horfið á myndina! Þegar fór á líða undir lokin þurfti ég svo að setja á pásu öðru hverju til að þurrka vot augun svo ég gæti fókusað á skjáinn. Meyra konan.

Afsakið.. þetta kom útúr mér í einni bunu. Ergo: Sjáið myndina sem fyrst! Og ef þið munið eftir því, deilið skoðun ykkar með öðrum, bloggið, sendið sms og talið um myndina á kaffistofum. Ég veit ég er svolítið á eftir, myndin orðin nokkurra ára gömul, en hún er klassi. Tékkið á kynnismyndbandinu.

Kvót myndarinnar: Manni svíður oft og maður grætur. Svo koma nætur. Sorgin hverfur með sólinni þegar hún skín að morgni. (þegar hann talaði um að hann fengi ekki að vera með börnum sínum og barnabörnum)

Nóvember gegn nauðgunum!

Kæri viðtakandi,
Vinsamlega áframsendu þessa beiðni til vina þinna, félaga og ættingja um að fjölmenna á kröfufund fyrir framan héraðsdómsstólana á Akureyri, Egilsstöðum, Ísafirði, Reykjavík og Selfossi laugardaginn 25.nóvember n.k. kl. 16.00.

Krafan er:
Þyngri dóma fyrir nauðganir. - Nýtið refsirammann!

Refsirammi laganna kveður á um að dómar fyrir nauðgun séu frá einu ári upp í 16 ára fangelsi. Flestir sakfellingardómar fyrir nauðgun eru við lægri mörk refsirammans. Við viljum sjá réttlátari og sanngjarnari dóma.

Áskorun um slíkt verður afhent allsherjarnefnd Alþingis á þriðjudag.

með kærri kveðju,
Kristín Ingvadóttir
Anna Kristine Magnúsdóttir

Að ganga gegn nauðgun

er prýðileg skemmtun - og eiginlega nauðsyn!

Jafningafræðslan stendur fyrir Nóvember gegn nauðgunum og annað kvöld (laugardagskvöld) kl. 24:00 verður gengið gegn nauðgunum niður Laugarveginn. Farið verður frá Hlemmi og niður á Ingólfstorg þar sem hinn unaðslegi trúbador Toggi mun spila fyrir mannskapinn. Ef veðrið leikur ekki við okkur endar gangan inní Hinu húsi. Koma svo! Mætum öll!!! Og breiðið út boðskapinn :)

Yfirsnúningur.com

Stikkorðafærslan ógurlega...

• Router bilaður, BT-net fær milljón kossa fyrir að redda honum í dag en ekki á mánudaginn eins og venja hefði verið. Stundum borgar það sig bara að vera svona sæt (sjá mynd)
• Skóli dauðans... álag sem aldrei fyrr... langar að leggja bækurnar á hilluna og fara að vinna... hugga mig við að ég á bara eftir pínku pínku pons af bóklegu námi. Samt, 80% skilaverkefni á mánudaginn - gubbidígubb.
• Vöknuð 5:20 í morgun/nótt - ekki vegna þess að ég var andvaka. Tók úr þvottavél, setti í aðra, gerði mér nesti og var mætt í ræktina kl. 6:20. Jahá. The New Me!
• Miss Piggy er mætt á Klakann. Sótti hana í dag uppá Höfða. Hún er örlítið lúin eftir ferðina, en það er gott hljóðið í henni. Bjössi gældi við hana í dag og sló á létta strengi. Núna verð ég bara að ná góðu sambandi við hana svo ég nái henni eins vel og Meistari Benedictos.
• Er þetta ekki alveg örugglega djók?
• Búin að kaupa 6 jólagjafir! Svo úr karakter, er alltaf á síðustu stundu... kannski ég sé að þróa með mér persónuleikaröskun sökum álags í skóla.. hmmm...
• Unglingsstelpan í Little Britain, þessi sem er alltaf í bleikri peysu - ljóshærð, er alveg fáránlega fyndin! Reyndar eru allir karakterar sem þessi leikari leikur alveg sjúklega fyndnir og algjörlega minn tebolli. Sjettörinn hvað þessir þættir eru annars mikil snilld. Annars horfði ég aftur á Crash í gærkvöldi, ekki er hún verri í seinna skiptið. Missti legvatnið yfir henni í fyrra skiptið, slík er snilldin.
• Hugsiði nú fallega til mín um helgina, hún verður pínu erfið... Góða helgi!

Girl, Interrupted

 

 

Að horfa á myndband er góð skemmtun. Það er gaman að geta skemmt sér vitandi það að maður sé að læra. Næsta hópverkefni í skólanum tengist myndinni Girl, Interrupted með Wynonu Ryder og Angelinu Jolie. Ég er núna í námskeiði sem heitir vinnuaðferðir með börn og unglinga og við erum að læra um greiningar á þessum aldurshópum. Í tengslum við það eigum við að horfa á myndina/lesa bókina og greina þær stöllur. Hressandi. 

 

Alveg var ég búin að gleyma hvað Jared Leto er guðdómlega fallegur. Hann er samt pínu feminine en samt fallegur. Sérstaklega í þessari mynd, þá er hann skeggjaður.. namm... Muniði hvað My so called life voru snilldar góðir þættir, hérna í denn? 

 

 

Kertafleyting - MÆTTU!

verður haldin
við Tjörnina í Reykjavík og
á Akureyri við tjörnina framan við Minjasafnið í Aðalstræti
miðvikudaginn 9. ágúst kl. 22:30
Kerti verða seld á staðnum og kosta 400 kr

Á næturvakt...

Brokeback Mountain var fín, ekki eins svakalega góð og ég bjóst við miðað við allt umtalið og verðlaunin, en fín mynd engu að síður. Skemmti mér einstaklega vel bara. Notting Hill er alltaf klassísk, skil ekkert hvers vegna ég á hana ekki á DVD. Þarf endilega að fara bæta úr því.

Klukkan korter yfir sex í morgun hljóp maður í íþróttaspandexfötum framhjá eldhúsglugganum, þegar ég var að taka úr uppþvottavélinni. Er fólk ekki alveg í lagi? Ég er nú hlynnt hreyfingu og heilbrigðum lífstíl, en aldrei á ég eftir að fara út að hlaupa á svona ókristilegum tíma. Agi.is þarna!!

Jæja, 2 klukkutímar og korter þar til ég kemst heim að kúra... hlakka ekkert smá mikið til. Skora engu að síður á ykkur að fara á Austurvöll kl. 14:00 í dag og sjá frábæra hluti gerast :)